Märtplatz-Clique Basel 1923

Die Alte

Die Alti Märtplatz – ooni Gritte!– pfläggt d Fasnacht wie in alte Zyte.

By uns wird d Tradition grooss gschribe:

Dr «Sound» isch Fasnachts-typisch blibe.

Doch d Qualiteet vom Spil vo alte Getti isch die, wo mängge Stammverain gäärn wetti.

Au s Goschdym duet by uns arg zelle (Abfallsegg sinn nur zem Uusestelle).

Als Sujets hämmer Hammer-Hits!

Au luschtig mien si syy, e bitz!

Mir leege Wäärt uff e Ladäärne, woo s Ufnää kaa mit Moond und Stäärne.

Mir bringe Zeedel, wo arg bysse und ihri Zyylschybe gaischtig verrysse!

Fir uns isch d Fasnacht no s Ventil zum Dampf abbloo wie allewyl!

Isch s au Dy Zyl, bisch iber vierzig und hesch Mumm

lyt aifach aa, und saag:

I kumm!

 

 Iebigsstunde

Jewyyls am Frityg vo 20:00 - 21:30 mit Stammdisch voor und noo den Iebige.

Restaurant Löwenzorn im 2. Stogg
Gemsberg 2
4051 Basel

Im Juli, August und Dezämber sin kaini Iebige.