Märtplatz-Clique Basel 1923
Info fir unseri Stammkundschaft vom Blaggeddestand vo dr Junge Märtplatz:
Wäge Corona hän mr das Joor kai Stand am Märtplatz, aber si kenne ihri Blaggeddebstellig per Delifon oder Mail ufgää.
Oobmaa: Thomas Kernen
Mail: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!
Mobile: 079 503 63 15
Die Junge
Mechtsch e Laarve emoll vo inne gsee? denn kumm zue uns, zer MCB. Als Bueb leersch drummle oder pfyffe, due dy Chance jetzt ergryffe zum an dr Fasnacht au mit z pfyffe! Am Fyttig z Oobe sinn d Instruggzioone. Kumm verbyy, das wuurd sich loone!
Dr Stamm
Bisch männligg, erwaggse und fasnachtsgsteert? Hesch vor Joore pfyffe oder drummle gleert? Mechtsch das Hobby ney uffgryffe?
Wotsch am Fryttig drummle, pfyffe?
Denn kumm zue uns, mäld dy aa,
zem s in dr Märtplatz-Clique luschtig z ha!
Die Alte
Die Alti Märtplatz Clique – ooni Gritte! – pfläggt d Fasnacht wie in alte Zyte. By uns wird d Tradition grooss gschribe: Dr «Sound» isch Fasnachts-typisch blibe. Doch d Qualiteet vom Spil vo alte Getti isch die, wo mängge Stammverain gäärn wetti.